Эр-Рамадиге кайтып келе жаткан ондогон кишилер минага жарылып өлдү

© REUTERS / THAIER AL-SUDANIТеррорчулардан бошотулган Ирактын Эр-Рамади шаары. Архив
Террорчулардан бошотулган Ирактын Эр-Рамади шаары. Архив - Sputnik Кыргызстан
Жазылуу
Рейтер агенттиги мина тапкыч техникалардын аздыгы аймакта тазалоону жана жергиликтүү элдин мекенине кайтып келүүсүн жайлатып жатат.

БИШКЕК, 23-апр. — Sputnik. Террорчулардан бошотулган Ирактын Эр-Рамади шаарына кайтып келе жаткан ондогон киши минага жарылып каза болду. Бул туурасында РИА Новости Рейтер агенттигине таянып кабарлады. 

Бириккен улуттар уюмунун (БУУ) маалыматына ылайык, февралдан тарта жарылгыч заттар менен минага кабылып 50гө чукул адам өлсө, 80ге жакыны жарадар болгон. Аталган уюм бул сандар мындан да көбүрөөк болушу мүмкүндүгүн айтты. 

"БУУ кичи мекенине үй-бүлөсү менен кайтып келе жатып миналанган талааларда каза болгон фактыларга өтө тынчсызданууда", — деп айткан агенттикке БУУнун Ирактагы гуманитардык жардам боюнча координатору Лиз Гранде. 

Ал террочулардан бошогон аймактарды миналарды зыянсыздандырган заманбап техникалардын жардамы менен кесипкөйлөрдү тартып тазалоо иштерин эртерээк бүтүрүү зарылдыгын кошумчалады. 

Агенттиктин айтымында, мина тапкыч техникалардын аздыгы аймакта тазалоону жана жергиликтүү элдин мекенине кайтып келүүсүн жайлатып жатат.

Жаңылыктар түрмөгү
0