БИШКЕК, 21-апр. — Sputnik. "Журналистикага жол" аттуу китеп журналисттик кесипке кызыгып, аны аркалап жүргөндөрдүн бардыгына арналганын анын автору, медиа адис жана белгилүү журналист Султан Жумагулов Sputnik Кыргызстан агенттигине билдирди.
20 Жалган Куран 2016, 14:23
Анын айтымында, китеп 300 нускада чыгып, бардыгы таратылып бүтүп калды.
"Учурда демөөрчү издеп жатабыз, кошумча чыгарып калсак дагы таратылат. Китепте интервью жүргүзүүнүн ыкмалары менен сырлары, журналисттик иликтөө, этика, сөз менен иштөө жана жок жерден жаңылык жасоо ыкмалары жазылган", — деп билдирет Жумагулов.
Анын айтымында, китеп 115 беттен туруп, бадырайган ариптер менен басылып чыккан. Анда этнос аралык жана диний темаларды кандай чагылдыруу боюнча кеп-кеңештер да камтылган.
