БИШКЕК, 21-апр. — Sputnik. Кыргызстандык "Сейде", "Таксист" жана "Фрунзе" тасмалары Канн фестивалында сынактан тыш Short Film Corner программасында көрсөтүлө турганын аталган фестивалдын сайтында жарыяланды
Сайтта аталган секция тандалып алынган тасмаларды эл аралык аренага жайылтуу максатын көздөй турганы айтылды. Мында ар кыл фестивалдардын өкүлдөрү тасмаларды көрүп чыгып, өзүнүн форумдарына жана иш-чараларына сунуштайт. Андан сырткары, дал ушул программага кирген тасмаларды телеканалдар аларды сатып алуу үчүн авторлор менен сүйлөшүүлөрдү жүргүзөт.
Эскерте кетсек, фестивалда Кыргызстандын атынан көрсөтүлүүчү тасмалардын үчөө тең кыска метраждуу болуп саналат. "Сейде" — Элнура Осмоналиевага таандык болсо, "Фрунзе" Нуржамал Дамирдин, ал эми "Таксист" — Кымбат Адылбекованын колунан чыккан.
