БИШКЕК, 14-апр. — Sputnik. Мамлекеттик миграция кызматы ведомстволор аралык комиссия менен биргеликте чет элдик 552 адисти Кыргызстанга тартууга жана чет элдик 103 жаранга өлкө аймагында жеке ишкердик кылууга уруксат берди. Бул тууралуу Миграция кызматы билдирди.
31 Жалган Куран 2016, 13:18
Маалыматка ылайык, ведомстволор аралык комиссия юридикалык жана жеке жактардан чет элдик адистерди тартуу боюнча келип түшкөн 151 арызды караган. Ошондой эле чет элдик 103 жаран өлкө аймагында жеке ишкердик кылууга уруксат сурап кайрылган. Жыйынтыгында Индия, Азербайжан, Пакистан, Вьетнам, Кытай, Түркия, Украина, Канада жана башка бир катар мамлекеттердин жарандарына Кыргызстанда иштөөгө уруксат берилди.
Миграция кызматы чет элдик жарандарга өлкө аймагында иштөөгө уруксат берүүнүн электрондук түрүн киргизүүнү пландап жатат. Алардын айтымында, бул коррупциялык аракеттерди жоюу максатын көздөйт.
