БИШКЕК, 10-апр. — Sputnik. Кечээ түндө саат 22:19да очогунда 6 баллга жеткен жер титирөө катталганын КР Сейсмология институту билдирди.
5 Үчтүн айы 2016, 11:34
Жер титирөөнүн очогу Кыргызстан менен Тажикстандын чек арасында катталган. Анын очогу Алай районундагы Бор-Дөбө айылынан чыгышты карай 15 чакырым, Доорот-Коргон айылынан чыгышты карай 110 чакырым жана Ош шаарынан түштүк-чыгышты карай 125 чакырымда орун алган.
Силикинүүнүн күчү Алай районунун Бор-Дөбө айылында 6 балл, Кара-Киндик, Сары-Таш айылдарында 5 балл, Нура, Иркештам айылдарында 4,5 баллды түзгөн.
Алдын ала маалыматка ылайык кыйроолор жана жабыркагандар жок.
Жеринде жергиликтүү жарандык коргонуу комиссиялары тактоо-иликтөө иштерин жүргүзүүдө.
