БИШКЕК, 4-апр. — Sputnik. Май айында Бишкекте Жарандык коргонуу эл аралык уюмунун (МОГО) башкы ассамблеясы өтүп, анда жарандык коргонуунун бирдиктүү системасы көрсөтүлөт. Бул тууралуу уюмдун башкы катчысы Владимир Кувшинов Иорданиянын Ички иштер министрлигинин жарандык коргонуу уюмунун мүдүрү Талаль Абдула Куфахи менен жолугушуу учурунда билдирди.
Ага ылайык, иш чарада табият кырсыктарын алдын алуу боюнча кеңири маалыматтар берилет.
"Жыйында табият кырсыктарын алдын алуу боюнча маалыматтык система менен иштөө ыкмалары боюнча сөз болот", — дейт Кувшинов.
Учурда Жарандык коргонуу эл аралык уюмунда 53 өлкө мүчөлүк кылат. Алардын катарын Кыргызстан да толуктайт.
