БИШКЕК, 29-мар. — Sputnik. Мэрия Бишкектин муниципалдык менчигиндеги объектилерди инвентаризациялоо боюнча ыкчам штаб түзгөнүн аталган мекеме билдирди.
Маалыматка ылайык, мэрияда шаар башчысы Албек Ибраимовдун жетекчилиги менен жергиликтүү бюджеттин резерви жана кошумча киреше табуу боюнча жыйын өттү.
Анда Бишкектин аймагында жайгашкан муниципалдык менчиктеги объектилерди текшерип, аларды каттоого ала турган атайын жумушчу топ түзүлдү.
Штаб бир айдын ичинде көчөмө көчө кыдырып муниципалдык менчикти эсепке алмай болду.
