БИШКЕК, 29-мар. — Sputnik. Киши уурдаган деген шек менен Жалал-Абад облусундагы Чаткал районунун 26 жаштагы тургуну Бишкектен кармалды. Бул тууралуу шаардык милициядан билдиришти.
29 Жалган Куран 2016, 11:06
Маалыматка ылайык, 31 жаштагы Бишкек шаарынын тургуну милицияга арыз менен кайрылып, 26-мартта аны Махатма-Ганди менен Ленинград көчөлөрүнүн кесилишинен азиат улутундагы белгисиз кишилер машинага күчтөп салып кеткенин айткан. Аны Маевка айылына алып барып сабашканын кошумчалаган.
Бишкек ШИИБдин уюшкан кылмыштуулукка каршы күрөшүү кызматынынын өкүлдөрү адам уурдоого шектүү деп 26 жаштагы Жалал-Абад облусунун Чаткал районунун тургунун кармашкан.
Учурда тергөө амалдары жүрүүдө.
