БИШКЕК, 28-мар. — Sputnik. Россиянын Ростов-на-Дону шаарындагы аэропорттогу авиакырсыктан каза болгон кыргызстандык Жылдыз Насирдинованын туугандары Кыргызстанга кайтты. Бул тууралуу "Кыргызстан — үй" Ростов шаардык кыргыз улуттук маданий автономиясынын президенти Курманбек Абдылдаев Sputnik Кыргызстан маалымат агенттигине билдирди.
Кыргызстандык жарандын сөөгүн таануу үчүн Ростов-на-Дону шаарына анын агасы жана атасынын иниси учуп келген болчу.
Абдылдаевдин айтымында, Насирдинованын жакындары 25-апрелде Бишкекке кайтты.
"ДНКнын анализдери эң аз дегенде эки жумадан кийин чыкмак. Андыктан аны бул жактан күтүп отура бербей Кыргызстанга кайтууну чечишти. Алар Fly Dubai компаниясынын расмий өкүлдөрү менен байланышта болушат", — деди ал.
Учурда атайын комиссия авиакырсыктын чоо-жайын иликтеп жатат. Ошондой эле каза болгондордун жакындарына тийиштүү жөлөк пул төлөнүп берилүүдө.
