БИШКЕК, 28-мар. — Sputnik. Бишкектин чок ортосунда унаалар кагышып, үч адам жабыркаганын Тез жардам станциясы билдирди.
Кечээ шаардын Москва жана Раззаков көчөлөрүнүн кесилишинде эки машина сүзүшүп, анын кесепетинен 58 жаштагы жаран менен үч жана беш жашар балдар жабыркаган.
Эркек кишинин сол кабыргалары сынып кеткен. Мындан тышкары тизеси ооруксунуп калган. Учурда ал төртүнчү шаардык ооруканада дарыланууда.
Балдардын баш сөөгү жабыркап, мээси чайкалган. Атасы аларды ооруканага жаткыруудан баш тартып, өз алдынча үчүнчү балдар ооруканасына алып кеткен.
