БИШКЕК, 26-мар. — Sputnik. Бишкек шаарынын Жол кайгуул кызматынын жетекчиси Зумрад Жанабаева Октябрь райондук прокурордун сунушу жана соттун чечими менен 20 күнгө, 17-апрелге чейин камакка алынды.
26 Жалган Куран 2016, 18:03
Эскерте кетсек, Жанабаева кызмат абалынан кыянаттык менен пайдалануу жана документтерди жасалмалоо боюнча кармалган. Жетекчи кол алдындагы кызматкерин арткы число менен бошотуп жиберген деп шектелүүдө.
Жанабаева аталган буйрукка ал эмес, анын орун басары Молдогазиев кол койгонун Sputnik Кыргызстан агенттигине өзү кабарлаган. Өз кезегинде Молдогазиев жетекчи жокто документтерге кол коюу укугуна ээ экенин билдирип, инспекторду иштен алуу боюнча буйрукка башка күнү кол койгонун айтып берген.
Зумрад Жанабаева Жол кайгуул кызматынын башына 2014-жылы келген.
