Кыргызстанда 10 миң чет элдик студент билим алат

© Sputnik / Михаил РогожинВид на Кыргызский Государственный Университет. Архив
Вид на Кыргызский Государственный Университет. Архив - Sputnik Кыргызстан
Жазылуу
Сариев учурда Кыргызстандын окуу жайларында Тажикстан, Түркмөнстан жана Пакистандан студенттер келип окуп жатканын, келечекте билимди экспорттоону андан ары кеңейтүүгө ыңгайлуу шарттар бар экенин кошумчалады.

БИШКЕК, 15-мар. — Sputnik. Кыргызстандын жогорку окуу жайларында 10 миңге чукул чет элдик студенттин билим алышы өлкөнүн билим берүү тармагындагы экспорттук потенциалынан кабар берет. Бул тууралуу премьер-министр Темир Сариев "Биринчи радионун" түз эфиринде билдирди.

Анын айтымында, жакында республиканын ЖОЖ ректорлору менен биргеликте билим берүүнүн сапатын жогорулатуу жана билимди экспорттоо концепциясы талкууланган, ал жакында кабыл алынмакчы.

"Эгерде чет элдик студенттердин саны 30 миңге жетсе, алардын ар бири беш миң доллардан калтырса эле казынага 150 миллион доллар түшөт. Ошол эле учурда тыштан келип окуган студенттер квартира, тамак-аш жана тейлөө көрсөтүүлөргө да өз чөнтөгүнөн каражат төлөшөт, бул да өз кезегинде ички мүмкүнчүлүктөрдүн жакшырышына салымын кошот", — деди Сариев.

Өкмөт башчы учурда билим берүүнүн сапатын жакшыртуу, эл аралык сапатка жеткирүү маселелери курч турарын белгиледи. Анын айтымында, Нарын жергесиндеги Ага-Хан долбоору ишке ашырып жаткан Борбор Азия университетинде келечекте 1200 студент кабыл алынып, 400 жакын мугалим иштемекчи, акырындык менен бул аймакты илим жана IT борборуна айлантууга мүмкүндүктөр бар.

"Мындай окуу-жайлардын катарына Америка университети, Кыргыз-Славян университети, Кыргыз-Түрк "Манас" университети, Жусуп Баласагын атындагы КУУ кирип, Орто Азияда ири билим борборуна айлануусу зарыл", — деди өкмөт башчы. 

Сариев учурда аталган окуу жайларда Тажикстан, Түркмөнстан жана Пакистандан студенттер келип окуп жатканын, келечекте билимди экспорттоону андан ары кеңейтүүгө ыңгайлуу шарттар бар экенин кошумчалады.

Жаңылыктар түрмөгү
0