КР командасынын чабуулчусу Люкс: тажик атаандаштарды жеңүүгө аракет кылабыз

© Sputnik / Табылды КадырбековКыргызстандын футбол командасынын чабуулчусу Виталий Люкс. Архив
Кыргызстандын футбол командасынын чабуулчусу Виталий Люкс. Архив - Sputnik Кыргызстан
Жазылуу
Үстүбүздөгү жылдын 29-мартында тажик футболчулары менен беттешүү өтөт. Жеңип калса кыргызстандык команда 2018-жылы өтө турган Дүйнө чемпионатына чыгуу үчүн андан аркы оюндарга катышууга мүмкүнчүлүк алат.

БИШКЕК, 14-мар. — Sputnik. Кыргызстандын футбол командасынын чабуулчусу Виталий Люкс улуттук оюнчулар 2018-жылы өтө турган Дүйнө чемпионатына катышуу үчүн тандоо турунун алкагындагы беттешүүдө жеңишке жетишерине ишеним артат. Бул тууралуу Футбол федерациясы билдирди.

Люкс учурда ойноп жаткан германиялык "Унтерхакинг" клубу үчүн алгачкы голун киргизип, дагы бир катар чабуулдарга активдүү катышты.

"Бүгүн биз үчүн ийгиликтүү оюндардын бири болду. "Унтерхакинг" клубуна өткөнүмө ыраазымын. Клубдун күйөрмандары көп, алдына олуттуу максаттарды койгон. Кийинки аптада "Бавариянын" экинчи командасы менен талаага чыгабыз. Андан кийин кыргызстандык команданын курамында тажикстандык футболчуларга каршы ойнойм. Өз талаабызда аларды ута алган жокпуз. Эми Душанбе шаарында жеңишке жетишүүгө аракет кылабыз", — деди Люкс.

Кыргызстандык команда акыркы жолу былтыр 17-ноябрда Иорданиянын футболчуларын кабыл алып, 1:0 эсеби менен конокторду утуп алган.

Кыргыз футболун жата калып көрүүнүн беш себеби
Кыргызстандык команданын эсебинде учурда 11 упай бар. "В" тайпасында биринчи орунда 15 упай менен Австралия келе жатат, Иордания 13 упай менен экинчи орунда. Улуттук команда үчүнчү катарда. Ал эми Тажикстан беш упай менен төртүнчү, Бангладеш бир упай менен бешинчи орунда келе жатат. 

2018-жылы өтө турган Дүйнө чемпионатынын финалдык бөлүгү Россияда өтөт.

Үстүбүздөгү жылдын 29-мартында тажик футболчулары менен беттешүү өтөт. 

Жаңылыктар түрмөгү
0