БИШКЕК, 11-мар. – Sputnik. Эмгек жана өнүгүү министрлиги турак жайды камсыздандырууда айрым жарандарга 100 жана 50 пайыздык жеңилдиктер берилерин айтты.
Эске салсак, Кыргызстанда турак үйлөрдү милдеттүү камсыздандыруу мыйзамы үстүбүздөгү жылдын 1-февралынан тарта күчүнө кирген.
Улуу Ата-Мекендик согуштун ардагерлери менен Ленинград блокадасынын катышуучуларына берилүүчү жеңилдиктер:
- I, II, III топтогу майыптар — турак жайды камсыздандыруудан толук түрдө бошотулат;
- Тылда эмгектенген I, II топтогу майыптар — толугу менен бошотулат;
- Тылда эмгектенген III топтогу майыптар — камсыздандыруу төлөмүнөн 50 пайыздык жеңилдик берилет;
- Улуу Ата-Мекендик согушта ажал тапкан аскерлердин үй-бүлөсү — төлөмдөн 100 пайызга бошотулат;
Чернобыль атом электр станциясындагы кырсыктан жабыр тарткандарга дагы жеңилдиктер берилет:
- I, II топтогу майыптар — турак жайды камсыздандыруу төлөмүнөн 100 пайызга бошотулат;
- III топтогу майыптарга — 50 пайыздык жеңилдик;
- Чернобыль кырсыгында каза тапкандардын жесир жубайларына — 50 пайыздык жеңилдик каралган;
Афганистандагы согуштук аракеттердин катышуучулары:
- I, II топтогу майыптар — төлөмдөн 100 пайызга бошотулат;
- III топтогу майыптарга — 50 пайыздык жеңилдик;
Өлкө тургундары:
- I, II топтогу майыптарга — 100 пайыздык жеңилдик;
- III топтогу майыптар — 50 пайыздык жеңилдикке ээ болот;
Ал эми жалгыз жашаган карыялар менен жакыр үй-бүлөлөргө 50 пайыздык жеңилдик берилет.
