БИШКЕК, 10-мар. — Sputnik. Кыргызстан Германиянын Берлин шаарында өтүп жаткан ITB-2016 Эл аралык туристтик көргөзмөгө катышып жатканын Тышкы иштер министрлиги билдирди.
Маалыматка ылайык, иш-чара 9-мартта башталып, ага 185 өлкөдөн келген 10 миңге чукул туроператор катышууда. Көргөзмө жалпы жонунан 160 миң чарчы метр аянтты ээледи.
Кыргызстандын бурчунда боз үй тигилген. Учурда көргөзмөнүн катышуучулары чет элдик өнөктөштөр менен мамиле түзүп, сүйлөшүүлөрдү жүргүзүп жатканы белгилүү болду.
Боз үй — кыргыздардын уникалдуу турак-жайы
© Sputnik_Infographics
