БИШКЕК, 9-мар. — Sputnik. "Сүлүктүкөмүр" компаниясынын директорлор кеңешинин төрагасы аймактагы ишкана жетекчисин опузалап пара алганы аныкталганын Финансы полициясы билдирди.
Маалыматка ылайык, аталган жаран ишкананы текшерүү опузасы менен анын жетекчисинен акча талап кылып, банк аркылуу өз эсебине 115 миң сом которттуруп алган.
Бул боюнча "Кызмат абалынан кыянаттык менен пайдалануу", "Пара талап кылуу" беренелеринин негизинде кылмыш иши козголуп, Баткен облусунун прокуратурасына өткөрүлдү.
Учурда тергөө амалдары жүрүп жатат.
