БИШКЕК, 8-мар. — Sputnik. Евро биримдиктин өлкө башчылары жана Түркиянын премьер-министри Ахмед Давудоглу Түркия тарабынан сунушталган миграцияга байланыштуу алты принцип боюнча бир пикирге келишти.
Дүйшөмбү күнү Ахмед Давудоглу Евро биримдиктин саммитинде Түркия тараптан Европага келип жаткан качкындардын маселесин чечүү боюнча өз сунуштарын билдирди.
Бул макулдашуулар жакынкы жана борбордук чыгыштан Европагы мыйзамсыз агылып жаткан мигранттардын келүүсүн токтотуп, Шенген келишимин күчүнө киргизет.
Бул кадамга жооп катары Түркиянын Евро биримдикке кирүүсү боюнча сүйлөшүүлөр тездетилет жана убадаланган үч миллиард евро берилет. 17-18-март күндөрү өтүүчү кийинки саммитте аталган макулдашуулардын жыйынтыктоочу бөлүгү болот.
Аталган сүйлөшүү Түркия үчүн экинчи ирет болуп жатат. Буга чейин Түркиянын өкмөт башчысы Евро Биримдиктин лидерлери менен 2015-жылдын ноябрь айында жолуккан. Анда тараптар Европага мыйзамсыз келип жаткан мигранттардын маселесин чечүү боюнча сүйлөшүүлөрдү жүргүзүшкөн.
