БИШКЕК, 5-мар. — Sputnik. Ноокаттын Кара-Кокту айылындагы Төө-Моюн участкасында радиациянын күчү саатына 180-220 микрорентгенге жетет. Бул тууралуу Мамлекеттик экологиялык-техникалык инспекция билдирди.
Маалыматка ылайык, өткөн кылымда аталган аймактан радий, уран, жез казылып, бирок калдыгы кайра көмүлгөн эмес.
Текшерүү учурунда жергиликтүү тургундар малын ушул аймакка чыгарары, бул кооптуу тилке эч кандай курчоого алынбаганы аныкталган.
Инспекциянын кызматкерлери учурда жергиликтүү бийлик менен тийиштүү мекемелерге кайрылып, түзүлгөн кооптуу кырдаалды жөнгө салуу иштерин жүргүзүп жатканын маалымдады.
