БИШКЕК, 5-мар. — Sputnik. Жума күнү түндө Улуттук коопсуздук мамлекеттик кызматынын имаратында өрт болгонун мекеменин расмий өкүлү Рахат Сулайманов тастыктады.
Маалыматка ылайык, УКМКнын имаратындагы кызматкерлер сыртка чыгарылган. Имараттын аймагы аскерлер тарабынан курчоого алынган. Расмий маалымат боюнча чыккан өрттөн улам түтүн чыккан.
"Азыр электр жарыгы берилди, бардыгы кадимки калыбында иштеп жатат", — деди Сулайманов.
28 Бирдин айы 2016, 12:37
Окуя болгон жерде эки өрт өчүрүүчү машина жана "тез жардам" кызматы иштеген. УКМКнын расмий өкүлү билдиргендей жабыр тарткандар жок. Саат түнкү 10.00дө имараттын курчоосу алынган.
Ал эми "тез жардам" кызматынан тогуз киши иске ууланганын Sputnik Кыргызстан маалымат агенттигине билдиришти. Алар №4 шаардык ооруканага жеткирилген.
Башкы дарыгер Алмаз Кубатбеков бейтаптардын абалы жакшы экенин маалымдады.
