БИШКЕК, 3-мар. — Sputnik. Казакстандан Кыргызстанга жыгач материалдарын мыйзамсыз ташыган төрт фура кармалганын Мамлекеттик салык кызматы билдирди.
Маалыматка ылайык, рейддик текшерүүнүн жүрүшүндө арааланган тактайларды ташып келе жаткан унаалар мамлекеттик көзөмөлдөн өтүү жөнүндө талонго жүктүн салмагын эки эсе төмөндөтүп көрсөтүшкөн.
Талондо тактайдын көлөмү 110 куб деп жазылса, иш жүзүндө болжол менен 220 куб экени аныкталган. Ал эми баасы жыгачтын бир куб метри 3100-3600 рубль чегинде көрсөтүлгөн.
Текшерүү маалында товар жөнөтүүчүлөр Россиянын Томск шаарынын субъектилери, ал эми бардык кармалган фуралардын айдоочулары Казахстандын жарандары экени белгилүү болду.
Бул фактылар боюнча материалдар аймактык салык органдарына өткөрүлүп берилди.
