БИШКЕК, 2-мар. — Sputnik. Кыргыз-казак чек арасынан мыйзамсыз өтүүгө аракет кылган Кыргызстандын жараны кармалганын Мамлекеттик чек ара кызматы билдирди.
Маалыматка ылайык, чек арачылар аталган жаранды биринчи жолкусунда "Чалдыбар-автодорожный" көзөмөл пунктунан финансылык милдеттемелеринен улам Кыргызстандан чыгуусуна тыюу салынгандыктан өткөрбөй койгон.
Кыргызстандык андан кийин өткөрүү пунктунан тыш өтүүгө аракет кылган жеринен кармалган.
Тийиштүү документтер толтурулгандан кийин кармалган жаран ИИМдин аймактык бөлүмүнүн кызматкерлерине өткөрүп берилди.
