БИШКЕК, 1-март. — Sputnik. Бүгүн Ала-Арча капчыгайында альпинизм боюнча Бишкек шаарынын ачык чемпионаты башталганын мэрия билдирди.
Маалыматка ылайык, 1-15-март күндөрү өтө турган мелдешке спорттук клубдардын, дене тарбия коллективдеринин, коммерциялык уюмдардын жана жеке спортчулар катышмакчы.
Иш-чара дене тарбия жана спорт комитети тарабынан альпинизм жана аскага чыгуу федерациясы менен биргеликте уюштурулуп, спорттук чеберчиликти жогорулатуу жана аталган спорттун түрүн жайылтууну көздөйт.
