БИШКЕК, 28-фев. — Sputnik. Парламенттин келе жаткан аптасында күрөө, социалдык фонддун бюджети, ишкердик субьектилерге текшерүүлөрдү жүргүзүүнүн тартиби жана бир катар мыйзам долбоорлору каралмакчы.
Парламенттин 3-марттагы жыйынында "Кыргыз Республикасынын почта байланышы жөнүндө" мыйзамга өзгөртүүлөрдү, "Күрөө жөнүндө" мыйзамга толуктоолорду киргизүү каралат.
Андан сырткары Мамлекеттик жарандык кызмат жана муниципиалдык кызмат боюнча мыйзамдын долбоору депутаттардын талкуусуна коюлат.
Ал эми 4-мартта Социалдык фондунун 2016-жылга болгон бюджети жана 2017-2018-жылдарга карата болжолу биринчилерден болуп каралмакчы. Андан сырткары ишкердик субьектилерге текшерүүлөрдү жүргүзүүнүн тартиби боюнча мыйзамга өзгөртүү, толуктоолорду киргизүү боюнча талкуу болот.
