БИШКЕК, 26-фев. — Sputnik. Ысык-Көлдү өнүктүрүү фонду жана Балыкчы шаарынын мэрия жетекчилигине карата кылмыш иши козголгонун Финансы полициясы билдирди.
Маалыматка ылайык, аталган мекеме башчылары Балыкчы шаарындагы курулуп бүткөн 40 батирлүү турак жай боюнча иштерди кабыл алууда тийиштүү документтерсиз алдын ала жалган келишим түзгөн деп айыпталууда.
Мыйзамсыз аракеттердин натыйжасында мамлекетке 6,8 миллион сом зыян келтирилгени белгилүү болду.
Аталган факт боюнча бакшы прокуратура тарабынан кылмыш иши козголуп, учурда тергөө амалдары жүрүп жатат.
