БИШКЕК, 22-фев. — Sputnik. Өкмөт үй-бүлөнү, эне жана баланы колдоо боюнча мамлекеттик программаны түзүүгө киришкенин вице-премьер Гүлмира Кудайбердиева эксперттер менен жолугушуу учурунда билдирди.
Анын айтымында, Кыргызстан буга чейин социалдык коргоо жаатында көптөгөн документтерди кабыл алганы менен алардын арасында үй-бүлөнү институт катары өнүктүрүүгө арналган программа иштелип чыккан эмес.
Кудайбердиева бул программа иш-аракеттердин планы болуп, бекем үй-бүлөнүн баалуулугун жандандырууга багытталышы керектигин белгиледи.
