БИШКЕК, 12-фев. — Sputnik. АКШ шайлоонун даярдыктарын бул жакка коё туруп, геосаясий оюндар менен алектенбей, аны чечүүгө кириши керек. Бул туурасында ТИМ башчысы Сергей Лавров Сирияны колдоо боюнча эл аралык топтун Мюнхендеги сүйлөшүүлөрүнүн жыйынтыгындагы маалымат жыйынында билдирди.
"Бири-бирибизге күн сайын сөөмөй кезеп отурбай, душманыбыз бир экендигин сезишибиз зарыл. Шайлоо алдындагы беделди көтөрүүнү, ички саясий окуяларды четке коё туруу керек. Геосаясий оюндар менен алектенбей, адамзат цивилизациясынын баш оорусу болгон көйгөйдү чечүү зарыл",— деди Лавров.
Сириядагы абалды жөнгө салуу боюнча көп тармактуу сүйлөшүү Бавариянын борборунда Коопсуздук боюнча Мюнхен конференциясынын алдында өттү.
