БИШКЕК, 6-фев. — Sputnik. Лейлекте кыргыз-тажик чек арасын бузуп кирген тажикстандык жаран эки уулу менен кармалганын Мамлекеттик чек ара кызматы билдирди.
Маалыматка ылайык, чет элдик жарандарды "Кулунду" заставасынын чек арачылары кармашкан. Тажикстандыктар чек арадан 800 метр бери кирип, кыргыз жаранына тиешелүү аймактан бак кыйып жатканда колго түшүрүлгөн.
Административдик кодекске ылайык, кармалган чет элдиктерге айып пул салынып, тийиштүү документтер толтурулгандан кийин чек арачылар аларды ИИМдин аймактык бөлүмүнө өткөрүп беришти.
