ӨКМ: кийинки апта башы менен Кыргызстанда күн сууктайт

Жазылуу
Министрлик мындай аба ырайы автожолдордун абалын начарлатып, автоунаа, энергетика жана коммуналдык кызматтардын ишин, жайыттарда мал кармоону кыйындатарын белгилейт.

БИШКЕК, 5-фев. — Sputnik. Узакка созулган аномалдуу жылуу аба ырайынан кийин аба ырайынын кескин өзгөрүлүшү күтүлө турганын ӨКМ билдирди.

Маалыматка ылайык, үстүбүздөгү жылдын 9-11-февралда республикада мезгил-мезгили менен кар жаашы күтүлөт. Чүй, Талас, Ош, Жалал-Абад облустарынын кээ бир райондорунда жаан-чачын катуу жаайт. 

Кээ бир райондордо батыштан соккон шамалдын ылдамдыгы секундасына 15-20 метрге, Ысык-Көл акваториясында 19-24 метрге чейин жетет.

Жылдыздуу асман. Архив - Sputnik Кыргызстан
Элдик эсепчилерди неге унуттук?..
10-12-февралда абанын температурасы төмөндөйт: Ош, Жалал-Абад, Чүй облустарынын өрөндөөрүндө, Баткен облусунун дыйканчылык аймактарында жана Ысык-Көл ойдуңунда түнкүсүн 7…12, күндүз 2…7 градуска чейин, Талас өрөөнүндө жана тоо этектеринде түнкүсүн 10…15, күндүз 5…10 градуска чейин, Нарын облусунун дыйканчылык аймактарында жана тоолуу райондордо түнкүсүн 21…26, күндүз 10…15° градуска чейин, бийик тоолуу райондордо түнкүсүн 25…30, күндүз 13…18 градуска чейин суук болушу күтүлөт.

Министрлик мындай аба ырайы автожолдордун абалын начарлатып, автоунаа, энергетика жана коммуналдык кызматтардын ишин, жайыттарда мал кармоону кыйындатарын белгилейт.

Жаңылыктар түрмөгү
0