БИШКЕК, 29-янв. – Sputnik. Баткен облусундагы Тогуз-Булак айылынын башчысы көмүргө болгон бааны үч эсе жогору көрсөткөнүн Финансылык полиция билдирди.
Ыкчам иликтөө иш аракеттеринин негизинде көмүр сатып алууга багытталган тендерде мыйзам бузуу катталган.
Тогуз-Булак айыл башчысы тоннасы эки миң сомдук көмүрдүн баасын алты миң сом деп көрсөтүү менен "Мамлекеттик сатып алуулар" мыйзамын бузган.
Анын негизинде мамлекеттик бюджетке 1 миллион 160 миң сом зыян алып келген.
Аталган факты боюнча Кылмыш жаза кодексинин 189-беренеси боюнча кылмыш иши козголду.
