БШК эки айымдын мандат чыры боюнча Жогорку сотко даттанды

© Фото / Rae AllenФемида айкели. Архив
Фемида айкели. Архив - Sputnik Кыргызстан
Жазылуу
15-январда Бишкек шаарынын Биринчи Май райондук соту депутаттар – Элмира Жумалиева менен Чолпон Эсенаманованы Борбордук шайлоо комиссиясы мыйзамсыз мандатынан ажыраткан деген чечим чыгарган.

БИШКЕК, 17-янв. — Sputnik. Борбордук шайлоо комиссиясы Жогорку Кеңеште "Кыргызстан" партиясынын тизмеси менен депутат болуп келген Элмира Жумалиева, Чолпон Эсенаманованын мандат чыры боюнча Биринчи Май райондук соттун чечимин карата Жогорку сотко даттанды. Бул тууралуу Борбордук шайлоо комиссиясынын билдиришти.

Маалыматка ылайык, БШК өз кайрылуусун кечээ, 16-январда Жогорку сотко жиберген.

Депутат Жыргалбек Саматов - Sputnik Кыргызстан
Жаңы эле ант берген Саматовду "Республика — Ата-Журт" фракция курамынан чыгарып салды
Белгилей кетсек, 15-январда Бишкек шаарынын Биринчи Май райондук соту эки депутат Элмира Жумалиева менен Чолпон Эсенаманованы Борбордук шайлоо комиссиясы мыйзамсыз мандатынан ажыраткан деген чечим чыгарган.

Жогорку Кеңештеги "Кыргызстан" фракциясы аталган эки депутатты катарынан чыгарып, өз чечимин БШКга жөнөткөн. Фракциянын чечиминин негезинде Борбордук шайлоо комиссиясы депутаттарды мандатынан ажыраткан. Бирок, эл өкүлдөрү аларды мыйзамсыз мандаттан ажыратып жатат деп Биринчи Май райондук сотуна кайрылган.

Жаңылыктар түрмөгү
0