БИШКЕК, 12-янв. – Sputnik. Бишкектин бир катар райондорунда 13-январдан 19-январга чейин газ берилбейт. Бул тууралуу "Газпром Кыргызстан" ЖЧК ишканасынын маалымат кызматы билдирди.
Түтүктөрдү калыбына келтирүү иш чараларына байланыштуу Махатма Ганди, Щербаков, Мусоргск, Боталиев көчөлөрүндө, Жибек Жолу проспектисинде, БЧК жана Аламедин районунда өчүрүлө турганы маалыматта белгиленет.
"Газпром Кыргызстан" жаратылган ыңгайсыздыкты керектөөчүлөр түшүнүү менен кабыл алаарына үмүт артат.
