БИШКЕК, 11-янв. — Sputnik. Жыл жаңыргандан бери 10 күн ичинде жалпысынан ок атуучу жети курал эл арасынан алынгандыгын Жалал-Абал облустук Ички иштер башкармалыгынын маалымат кызматы билдирди.
Маалыматка ылайык, куралдардын экөөнү өз ыктыяры менен милицияга тапшырышкан жана андан сырткары мыйзамсыз жашырылган беш курал алынган.
Өткөн жылдын ушул мезгилинде ок атуучу жети курал алынган эле.
2015-жылы жалпысынан облустук жана райондук ички иштер бөлүмдөрүнүн кызматкерлери тарабынан эл арасынан баары болуп 137 даана курал-жарак алынган. Анын ичинен 83үн эл өз ыктыяры менен келип тапшырган.
Ошондой эле, Жалал-Абад облус аймагында каттоодо турган 1872 мергенчилердин куралдары текшерилип, сактоо эрежелерин бузган 94 атуулга протоколдор толтурулуп, 11600 сомдук административдик айып салынган.
