БИШКЕК, 11-янв. — Sputnik. Жыл жаңыргандан бери өлкө аймагы боюнча 116 өрт кырсыгы катталып, жети киши каза болгонун Өзгөчө кырдаалдар министрлигинин маалымат кызматы билдирди.
ӨКМдин алдындагы өрткө каршы күрөшүү мамлекеттик агенттигинин маалыматына ылайык, тилсиз жоодон алты киши куткарылса, алардын үчөө балдар болгон. Ал эми 12 киши өрт болгон учурда башка жакка көчүрүлгөн.
Өрт негизинен отко этиятсыз мамиле кылуудан улам келип чыгууда. Алардын ичинде балдардын шоктугу, тамеки чегүү, мештин морлорун туура эмес орнотуу бар.
Катталган өрттүн 75 пайызы жеке турак-жайларда чыккан.
