БИШКЕК, 8-янв. — Sputnik. Президент Алмазбек Атамбаев элет жериндеги жакырчылыкты жергиликтүү өз алдынча башкаруу институттарынын ишмердүүлүгү аркылуу жоюуга багытталган мыйзамга кол койду.
Өлкө башчынын маалымат кызматынын билдирүүсүнө ылайык, Эл аралык өнүктүрүү ассоциациясынын ортосундагы Каржылоо жөнүндө макулдашууну (Айыл инвестицияларынын үчүнчү долбоору) ратификациялоо тууралуу” мыйзам Жогорку Кеңеш тарабынан 2015-жылдын 3-декабрында кабыл алынган.
Долбоор элет калкынын кедейчилигин жергиликтүү өз алдынча башкаруу институттарынын өздөрүнүн коомчулуктары менен жергиликтүү өнүктүрүү программаларын пландаштыруу жана ишке ашыруу боюнча иштериндеги потенциалын өнүктүрүүнүн эсебинен жоюуну максаттайт.
Ратификацияланган макулдашуу жергиликтүү деңгээлде тейлөө жана кызмат көрсөтүү сапатын жакшыртууга жана айыл аймактардагы социалдык жана экономикалык инфраструктураны кеңейтүүгө шарт түзөт.
Мыйзам расмий жарыяланган күндөн тартып он күн өткөндөн кийин күчүнө кирет.
