БИШКЕК, 7-янв. — Sputnik. Немис парламентинин эки депутаты жеке демилгелери менен Донбастагы балдар үчүн дээрлик 200 миң евро чогултушкан. Бул жардамдар Горловкадагы ооруканага жана Луганск менен Донецкке жөнөтүлгөнүн бундестагдын депутаты Андрей Хунко РИА Новости агенттигине билдирген.
"Биз Вольфганг Герке менен биргеликте былтыр Рождество майрамынын алдында Горловкадагы балдар ооруканасы жана Луганск менен Донецк үчүн кайрымдуулук акцияларын өткөргөнбүз", — дейт ал.
Хунконун айтымында, бул жардамдар Горловкадагы балдар ооруканасына, Луганс менен Донецктеги балдар ооруканасына дагы жөнөтүлгөн. Ал эми ноябрь айында депутаттар Горловкадагы оорукананын жетекчилери менен жолугуп, дагы алып келген жардамды тапшырган.
2014-жылы апрелде украин бийлиги өздөрүн ЛНР менен ДНР деп атап алган аймакка каршы аскерий операцияны баштаган. Бириккен Улуттар Уюмунун акыркы маалыматтары боюнча бул жаңжалдан 9 миңден ашык киши каза болгон.
