БИШКЕК, 5-янв. – Sputnik. Кыргызстандын эмгек сиңирген юристи, Жогорку сотто 15 жыл төрага болуп турган Зулумбек Жамашев 92 жаш курагында дүйнө салды. Бул тууралуу маалымат Жогорку соттун сайтына жайгаштырылган.
Зулумбек Жамашев 1924-жылдын 15-февралында Жалал-Абад облусунун Сузак районундагы Кара-Көл айылында жарыкка келген. Эмгек жолун райондук сотто катчылыктан, сот аткаруучудан баштаган. Андан кийин Ленин районунун соту, Жалал-Абад облустук сотунун төрагасы, Ош облустук сот төрагасынын орун басары болуп эмгектенип, 1974-жылы Жогорку соттун төрагалыгына шайланган.
"Ардак белгиси" жана башка өкмөттүк наамдардын ээси Жогорку соттун төрагасынын орун басары Феруза Жамашеванын атасы болот.
