БИШКЕК, 31-дек. — Sputnik. Евробиримдик тарабынан 20-декабрда билим берүү тармагына бөлүнгөн 5,7 миллион евро 29-декабрь күнү Финансы министрлигинин казынасына түштү. Бул тууралуу Финансы министрлигинин маалымат кызматы билдирди.
Маалыматка ылайык, грант билим берүү тармагын 2020-жылга чейин колдоого бөлүнгөн 20 миллион евронун бир бөлүгү болуп саналат.
Программа билим берүү тармагындагы техникалык жана педагогикалык стандарттарды реформалоого багытталган.
Бюджеттик колдоодон сырткары Евробиримдик саясат боюнча консультацияларды берүү менен Финансы министрлигинин кызматкерлерине окутууларды өткөрүп келет.
