БИШКЕК, 30-дек. — Sputnik. Түркиянын премьер-министри Ахмет Давутоглу Сербиянын президенти Тимослав Николичти түрк-орус мамилесин жакшыртууга жардам берүүгө чакырганын Сербиянын президентинин маалымат кызматы билдирди.
Давутоглу дүйшөмбү күнү Сербияга эки күндүк иш сапары менен келген. Ал өлкө жетекчилерине жолугуу менен бирге серб-түрк форумунун ачылышына катышты.
Маалымат кызматтын билдиришинче, түрк премьер-министри эки мамлекеттин ортосундагы саясый чыңалууну жайгарууга жардам берүүгө чакырган.
"Давутоглу Сербиянын президенти Томислав Николичти Россия менен болгон талашта жардам берүүгө чакырды. Президент мындай нерсени кубаттай турганын айтып, макулдугун берди", — деп айтылат билдирүүдө.
Давутоглу серб кесиптеши Александр Вучич менен жолукканда Түркия санкциялардан коркпой турганын, эгер мындай алака улана берсе эки тарап тең жапа чегерин белгилеген.
