БИШКЕК, 29-дек. — Sputnik. Сириядан кайтып келген эки кыргызстандык бул жактан байларды тоноп, "Ахмадия" агымынын мүчөлөрүнө кол салууну пландагандыгын Ички иштер министрлигинин маалымат кызматы билдирди.
ИИМдин маалыматына ылайык, аталган кылмыш иши радикалдык салафизм деп аталган диний агымдын өкүлдөрү тарабынан жасалган. Каза болгон Абдужалилов "Ахмадия" диний агымынын өкүлү болгон. Эки агым көз карашы жактан бири-бирине каршы келет.
Шектүү жарандар кармалгандан кийин алардын жашаган жерлери тинтүүгө алынып, экстремисттик мүнөздөгү китептер, DVD-диск, жарылуучу заттар жана колго жасалган бычактар табылган.
Сегиз жарандын экөө Түркиядан учуп келгенде кармалса, алтоо Жалал-Абадда болгон атайын операция учурунда кармалган.
ИИМдин маалыматына ылайык, Түркиядан учуп келгендердин бирөө курал-жаракты колдонуу боюнча Латакия провинциясындагы (Сирия) экстремисттердин лагеринен даярдыктан өткөн. Ал Сирияга 2013-жылы кеткен, ал 20 жашта.
Милиция бул жаранга жана анын тобундагыларга Кыргызстандагы акчалууларга жана чет элдиктерге кол салып, алардын байлыктарын тартып алуу боюнча тапшырма берилиши мүмкүндүгүн айтты. Акчаларды алар Сирияга жөнөтүп турушу керек болчу.
Тинтүү учурунда андан экстремисттик китептер алынган.
ИИМдин берген маалыматы боюнча Сириядагы, Ирактагы, Афганистандагы террордук топтордун катарында 400дөй кыргызстандык бар. Алардын 23,3 пайызын аялдар, 15,6 пайызы өспүрүмдөр түзөт. Ал жакта жүргөндөрдүн ар бир сегизинчиси үй-бүлөсү менен кеткендер.
Андан сырткары ыкчам маалыматтар боюнча 26 кыргызстандык каза болсо, 32 киши кайта келген.
