Улуттук банк декабрда валюта базарына 24,5 млн. доллар алып чыкты

© Sputnik / Владимир Сергеев / Медиабанкка өтүүДоллар купюралары. Архив
Доллар купюралары. Архив - Sputnik Кыргызстан
Жазылуу
Башкы банк жылдын акыркы айында 13 ирет интервенцияга чыкты. Ал эми жыл башынан бери жалпы жонунан 318,2 миллион доллар саткан.

БИШКЕК, 28-дек. — Sputnik. Улуттук банк дүйшөмбү күнү 1,8 миллион доллар сатып, дагы бир ирет интервенция жасады.

Көмүскөдөгү кыргыз сому. Улуттук валютанын эскиздери
Бул банктын декабрдагы он үчүнчү ирет валюта базарына чыгуусу болуп саналат. Айдын башынан бери 24 миллион 450 миң доллар сатылды. Ал эми ноябрь айында Улуттук банк беш ирет интервенция жасаган. 

Жыл башынан бери Улуттук банк 37 жолу базарга чыгып, анын бешөөндө гана доллар сатып алган. Ал эми жалпысынан сатылган доллардын көлөмү 318,2 миллионго жеткен.

Интервенция үчүн Улуттук банк эл аралык валюта резервин пайдаланып келет. Ноябрдын соңуна карата резервде 1 миллиард 737 миллион доллар бар экени маалым болгон. 

Эскерте кетсек, сомдун куну америкалык валютага карата 26,7 пайызга төмөндөп кеткен. Учурда бир доллар 75,9 сомдон сатылууда. 

2015-жылдын 1-январынан 24-декабрына чейин доллардын курсу
2015-жылдын 1-январынан 24-декабрына чейин доллардын курсу - Sputnik Кыргызстан
2015-жылдын 1-январынан 24-декабрына чейин доллардын курсу

Жаңылыктар түрмөгү
0