БИШКЕК, 28-дек. — Sputnik. Кыргызстандыктарга футбол боюнча улуттук команданын жанында жүрүүгө мүмкүнчүлүк берилип жатканын Футбол федерациясы билдирди.
Оюнчулар жана машыктыруучулар менен баарлашууну каалагандар үчүн социалдык тармактарда сынак жарыяланды. Ага катышуу үчүн федерациянын Facebook же Instagram тармактарындагы баракчасына жазылып, сүйүктүү футболчуга видеокуттуктоо жолдоп, аны #новыйгодффкр хештеги менен өз баракчасына жарыялоо керек.
Кимдин куттуктоосу көп лайкка ээ болсо, ошол күйөрман жеңүүчү деп табылып, аты 31-декабрда аталат.
Федерация бардык куттуктоо өз дарегине жетерин белгилейт.
