БИШКЕК, 28-дек. — Sputnik. Ош шаарындагы балык базаларынын бириндеги сууга 5 жана 7 жаштагы ага-ини балдар чөгүп кеткенин ӨКМ билдирди.
Маалыматка ылайык, кырсык 27-декабрь күнү кечки саат алтыда болгон. Наристелер туурасы 80-90, узуну 150-160, ал эми тереңдиги 1,5-2,5 метр келген көлмөгө чөгүп кетишкен.
Улуусунун жансыз денесин атасы өзү алып чыккан. Ал эми кичүү баланы окуя болгон жерге келген куткаруучулар кечки 11ге чейин издеп, таба алышкан эмес.
Учурда издөө иштери жүрүп жатат.
