БИШКЕК, 24-дек. — Sputnik. Жогорку Кеңештин жыйынында премьер-министр Бишкекте эң ири спорт комплекси курулуп, анын ичинде футбол ойноого жабык стадион, хоккей, күрөш жана башка бардык спорттун түрлөрүн өткөрүүгө ылайыкталган шарт түзүү керектигин билдирди.
"Эң ири спорт комплексти Бишкекте куруу пландалып жатат. Бул максаттын ишке ашышына мен толук ишенем. Ал үчүн өкмөткө парламенттин колдоосу керек", — деп билдирди премьер.
Өкмөт башчынын белгилешине караганда спонсор таап эки жылдын ичинде спорт комплексин куруу иштерин бүтүрүү керек. Антпесе, FIFA Дөлөн Өмүрзаков атындагы стадиону эл аралык стандартка жооп бербегендиктен, Кыргызстанды тизмеден чыгарууга аргасыз болот.
