Оюн аймагы кандай иштей турганы, кай жерде жайгашары жана Кыргызстанда өзүнүн Лас-Вегасы пайда болор-болбосу жөнүндө Sputnik кабарчысына Экономика министрлигинин алдындагы Инвестицияларды алдыга жылдыруу боюнча агенттиктин директору Алмаз Сазбаков айтып берди.
— Алмаз Замирбекович, эмне үчүн Кыргызстанда кумарканаларды кайра ачуу жөнүндө чечилди?
— 2012-жылы мыйзам эмне үчүн кабыл алынганы биздин эсибизде — ал социалдык фактордун себебинен болгон. Лудомандар (кумарчылар — ред.) рулетка же автоматтарда ойнош үчүн карызга батып, насыя алып, үйлөрүнөн болгонун ташып калган окуялар баарыбыздын эсибизде. Эми иштер аздыр-көптүр оңолду, жана биз жарандарды чечилген көйгөйлөргө кайра кайтаргыбыз келбейт. Бирок, бюджетти да толтуруш керек…
— Кумарканалар менен оюн клубдары кандайча иштейт?
— Оюн ишмердигин республиканын аймагында толук мыйзамдаштыруу жөнүндө кеп болгон жок. Биз оюн аймактарын ачууну сунуштап жатабыз. Коомчулук терс кабыл албашы үчүн, калкка дал ушул ойду жеткирсек дейбиз. Биз кумаканаларды 2012-жылга чейинкидей кылып ачпайбыз, болгону, Бишкекте, Ошто жана Ысык-Көлдө адистештирилген жабык аймактарды ачуу ниетиндебиз.
— Биринчи аймак кайсы жерде ачылып жатат?
— Кыргыз Лас-Вегасына негизги келүүчүлөр ким боло аларына мониторинг жүргүзгөнсүңөрбү?
— Биринчи кезекте бул Кыргызстандын кумарканаларына көп келишкен кытайлык кардарлар. Биздин бюджетке жардам кыла турган ЕАЭБ өлкөлөрүнөн калктын орто катмарына ишенип жатабыз. Бирок, башка оюнчуларды да жакшы тосуп алышат.
— Оюн аймагы кайсы принцип боюнча курулат?
— Аукцион жарыяланат жана жеңүүчү курулушту баштап, белгилүү мезгил аралыгында иш жүргүзө алат. Бул мезгил да азыр талкууланууда.
— Америкадагы Лас-Вегас же Атлантик-сити сыяктуу инфраструктура түзүү жөнүндө ой каралганбы? Ал жакта башка оюн-зоок жайларын да мыйзамдаштырса болот.
— Андай эч болбойт. Биз мындай ишмердиктин кеңейишине каршыбыз. Бул кыргызстандыктарды аталган ишкердикке тартышы мүмкүн, бул болсо мыйзам долбооруна каршы келет.
— Бирок, биздин жарандар да рулетка же карта ойноп өз бактысын сынап көргөнгө даяр. Эгер алар оюн аймагына барып калса, эмне болот?
— Биз кыргызстандыктарды кумар оюндарына кайтаргыбыз келбейт, ошон үчүн аларга кирүүгө тыюу салынган. Эгер алар бул аймакта жүргөнү байкалса, биринчи жолу чоң айып төлөп, анда кийин оюн жайы да, тартип бузуучу да кылмыш жазасына тартылат. Кумаркана бул эрежелерди сактоого өздөрү кызыккан болот.
