БИШКЕК, 23-дек. — Sputnik. Улуттук долбоорлор белгиленген мөөнөтүндө аткарылып жатканын премьер-министр Темир Сариев Жогорку Кенештин "2016-жылга республикалык бюджети жана 2017-2018-жылдарга болжолу жөнүндө" мыйзам долбоору талкууланган жыйында билдирди.
Премьер-министр учурда бул долбоорлордун 692 миллион долларлык 23 долбоор толугу менен менен бүткөрүлүп, ишке берилгенин билдирди. Учурда 45 долбоор аткарылып, 2 долбоор баштоо алдында турат. Ал эми 13 долбоорду ишке ашыруу үчүн каражат изделүүдө.
"Республикада Улуттук туруктуу өнүгүү стратегиясына кошумча долбоор киргизилиши мүмкүн. Мисалы, учурда өкмөт ишке ашырып жаткан Ысык-Көл шакекче жолу сыяктуу ири долбоорлор Улуттук стратегияга киргизилген эмес", — деди Сариев.
Премьер-министр өкмөт Улуттук туруктуу өнүгүү стратегиясында каралган долбоорлорду аткаруу үчүн бардык аракеттер көрүлүп, тийиштүү иш-чаралар аткарылып жатканын кошумчалады.
