ЖМК: Стамбулдун аэропортундагы жардыруу теракт болушу мүмкүн

© AFP 2023 / MIRAСтамбулдун Сабиха Гёкчен аэропорту. Архив
Стамбулдун Сабиха Гёкчен аэропорту. Архив - Sputnik Кыргызстан
Жазылуу
Шейшембиден шаршембиге караган түнү аэропорттун аймагында жардыруу болуп, андан учактардын жанында аянтты тазалап жүргөн эки адам жабыркаган. Кырсык болгон жерде жүргүнчүлөр болгон эмес. Учурда эксперттер башка учактарды текшерүүдөн өткөрүп жүрөт.

БИШКЕК, 23-дек. — Sputnik. Стамбулдун Сабиха Гёкчен аэропортунун аймагындагы жардыруу теракт болушу мүмкүн экенин түркиялык маалымат каражаттары жазып чыгышты. Бул тууралуу РИА Новости билдирди.

Жардыруу шейшембиден шаршембиге караган түнү аэропорттун аймагында болуп, андан учактардын жанында аянтты тазалап жүргөн эки адам жабыркаган.

DHA агенттигинин маалыматы боюнча жабыркагандардын биринин абалы оор. 

Жашоочулар жабыркагандарды алып келген оорукананын тегерегинде. - Sputnik Кыргызстан
Пакистандагы базарда болгон жарылуудан 10 киши каза болду
Полиция учурда бардык версияларды карап жатат, анын ичинде теракт мүмкүндүгү да бар. Аэропорттун коопсуздук чаралары күчөтүлүп, окуя болгон жерде полиция иштеп жатат. Бир тик учак келгени айтылууда, дагы бир тик учак Ататүк атындагы аэропортко жөнөтүлдү.

Адистер жардыруу болгон жерди, учактарды текшерүүдөн өткөрүп жатышат. Алдын ала маалымат боюнча жардыруу токтоп турган учактардын биринде болушу мүмкүн деп айтылууда, бирок бийлик муну ырастай элек.

Стамбулдун губернатору Васип Шахиндин айтымында шаршемби күнү Сабиха Гёкчен аэропортунун эки кызматкери жардыруудан жабыркаган. 

"Бүгүн түнү саат 2.05те (Бишкек убактысы боюнча 06.05) азырынча белгисиз себептерден улам жардыруу болду. Аянтты тазалоочу эки адам ууланып, ооруканага жаткырылды. Окуянын чоо-жайы иликтенип жатат", — деди Шахин Anadolu агенттигине түшүндүрмө берип жатып.

Кырсык болгон жерде жүргүнчүлөрдүн болгон эмес, аэропорттун иши кадимки калыбына жүрүүдө.

Жаңылыктар түрмөгү
0