БИШКЕК, 22-дек. — Sputnik. АКШнын Коргоо министри Эштон Картер жана Ак Үй НАТОнун Афганистанда курман болгон аскерлерлер америкалыктар экендигин тастыктады.
"Афганистанда АКШнын алты аскери каза болгондугун мен терең кайгыруу менен кабыл алдым. Биз кырсык кандай болгондугун иликтеп жатабыз, бирок, эки аскер жана дагы бир кызматкер АКШдан келишимдик негизде келген",— деди Картер.
Анын айтымында, жан кечти патрулга Баграм аба базасына жакын жерде кол салган. Пентагон башчысы каза болгондордун жакындары менен туугандарына көңүл айтты.
Буга чейин НАТО эки аскер кызматкеринин каза болгондугун расмий түрдө тастыктап, бирок, алардын кайсы өлкөнүн жарандары экендигин айткан эмес.
Жардырууну "Талибан" радикалдык кыймылы мойнуна алган. Аталган аба база Кабул шаарынан түндүктү карай 40 чакырым аралыкта жайгашкан. Ал Афганистандагы АКШнын куралдуу күчтөрүнүн объектилеринин эң ирилеринин бири.
Талиптер акыркы айларда өлкөнүн айыл жерлериндеги бир топ аймактарын басып алып, эми ири шаарларга багыт ала баштады. Сентябрь айында "Талибандын" согушкерлери өлкөнүн түндүгүндөгү 300 миңге чукул жашоочусу бар Кундуз шаарын басып алып, эми Гази шаарына чабуул жасап жаткан чагы.
