БИШКЕК, 18-дек. — Sputnik. Ала-Арча жана Аламүдүн сууларынын нугу көзөмөлгө алынып, коопсуздук жаратпайт. Бул тууралуу Октябрь районунун акими Болот Алымкуловдун аталган аймакты кыдыруусу учурунда белгилүү болду.
Райондун жетекчиси каналдардын кооптуулук жаратып, кыш мезгилинде жакын жайгашкан турак жайларды каптап кете турган жерлерин көрдү.
ӨКМ бөлүк башчысынын айтымында, бүгүнкү күндө абал толугу менен көзөмөлгө алынган.
"Кооптонууга себеп жок. Каналдарды тазалоо иштери өз мөөнөтүндө аяктаган. Аламүдүн суусунун жээгин бекемдөө иштери аткарылган", — деди ал.
Аким тийиштүү кызматкерлерге суунун деңгээлин ар дайым текшерип турууну, атайын техниканын ар убак ишке даяр туруусун тапшырды.
