БИШКЕК, 16-дек. — Sputnik. Август айында жаңы төрөлгөн баланы үйдүн чатырына таштап кеткен Кыргызстандын жараны 20 миң рубль айып пул төлөө жазасына тартылганын облустун прокуратурасы билдирди.
8 Тогуздун айы 2015, 13:54
Краснодардын жашоочусу үстүбүздөгү жылдын 24-августунда таңкы саат 5.00дө көп кабаттуу үйлөрдүн биринин чатырынан жаңы төрөлгөн ымыркай таап алган. Ал дароо полиция менен тез жардам кызматын чакырган.
Тергөө Кыргызстандын 26 жаштагы жараны 24-августка караган түнү үйдүн чатырында өз алдынча төрөгөнүн аныктап чыккан. Оор абалда калган келин баланы шейшепке ороп 12-кабаттын тепкичине таштап кеткен да, үйүнө кетип калган. Беш сааттан кийин табылган ымыркайдын саламаттыгына бир топ доо кеткени аныкталган.
Краснодардын райондук соту "Кооптуу абалдагы жаранды атайылап кароосуз калтыруу" беренеси боюнча жоопко тартылып, 20 миң рубль айып пул чегирилген.
