БИШКЕК, 4-дек. — Sputnik. Жакын да эле "Ислам мамлекетинин" согушкерлерине каршы аба соккуларын баштаган Британия террористтердин кийинки бутасы болушу ыктымалдыгын CNN телеканалы билдирди.
1 Бештин айы 2015, 19:50
Чалгындоо кызматындагы булагына таянган телеканал согушкерлердин катарында Британиянын 700дөй тургуну бар экенин маалымдайт. Алар кайтып келип, 13-ноябрда Парижде болгон окуялар Британияда да кайталанышы мүмкүн деген божомолун айтат.
Сириядагы согуштук аракеттер башталгандан бери сурамжылоого катышкандардын 43 пайызы өзүн коопсуз сезбей турганын айтса, болгону 20 пайыз гана киши эч нерседен коркуунун кажети жоктугун айткан. Андан сырткары сурамжылоого катышкандардын 54 пайызы Сириядагы операцияларды колдой турганын билдирсе, 45 пайызы каршы экенин белгилешкен.
